Хитай җамаәт хәвпсизлик министириниң таҗикистан зияритидә «үч хил күчләргә зәрбә бериш» ни тәкитлиши диққәт қозғиди

Хитай җамаәт хәвпсизлик министирлиқиниң 27-ноябир күни мәмликәт бойичә телевизийә- телефон йиғини ечип, һәрқайси җайлардики җамаәт хәвпсизлик тармақлиридин хитай компартийиси 18-қурултийидин кейинки җәмийәт муқимлиқиға капаләтлик қилишни тәләп қилиши һәм җамаәт хәвпсизлик министири миң җәнҗуниң26-ноябир күнидики таҗикистан зияритидә, ички ишлар министири рахманофтин икки дөләт оттурисидики һәмкарлиқни күчәйтип, «үч хил күчләргә зәрбә бериш », икки дөләтниң муқимлиқини бирликтә қоғдашни тәләп қилиши диққәт қозғиди.
Мухбиримиз меһрибан
2012-11-29
Елхәт
Пикир
Share
Принт

Дуня уйғур уйғур қурултийи баянатчиси дилшат ришит бүгүн радиомизға бәргән баянатида хитай даирилириниң 18-қурултайдин кейинму муқимлиқни вә қаттиқ зәрбә беришни тәкитлишиниң даириләрниң хитай вәзийитидин болупму уйғур қатарлиқ хитай болмиған милләтләр вәзийитидин әнсирәватқанлиқини һәм бу районларда йәнә бир қетимлиқ қаттиқ зәрбә бериш һәрикитиниң елип берилишидин бешарәт беридиғанлиқини илгири сүрди.

Дилшат ришит баянида йәнә, бүгүн хенәндә йүз бәргән уйғур тиҗарәтчилириниң наразилиқ намайишиниң йүз бериш сәвәби һәққидә тохтилип, әмәлийәттә мушу хил « қаттиқ зәрбә бериш сиясити» сәвәбидин хенәндә уйғур тиҗарәтчилириниң наразилиқ намайиши йүз бәргәнликини тәкитләп, даириләрниң муқимлиқни сақлаш, қаттиқ зәрбә беришни тәкитләш әмәс, бәлки өзиниң нөвәттики қаттиқ бастуруш сияситини түзитиши керәкликини билдүрди.

Пикирләр (0)
Share
Толуқ бәт