Xitay jama'et xewpsizlik ministirining tajikistan ziyaritide "Üch xil küchlerge zerbe bérish" ni tekitlishi diqqet qozghidi

Xitay jama'et xewpsizlik ministirliqining 27-noyabir küni memliket boyiche téléwiziye- téléfon yighini échip, herqaysi jaylardiki jama'et xewpsizlik tarmaqliridin xitay kompartiyisi 18-qurultiyidin kéyinki jem'iyet muqimliqigha kapaletlik qilishni telep qilishi hem jama'et xewpsizlik ministiri ming jenjuning26-noyabir künidiki tajikistan ziyaritide, ichki ishlar ministiri raxmanoftin ikki dölet otturisidiki hemkarliqni kücheytip, "Üch xil küchlerge zerbe bérish ", ikki döletning muqimliqini birlikte qoghdashni telep qilishi diqqet qozghidi.
Muxbirimiz méhriban
2012-11-29
Élxet
Pikir
Share
Print

Dunya Uyghur Uyghur qurultiyi bayanatchisi dilshat rishit bügün radi'omizgha bergen bayanatida xitay da'irilirining 18-qurultaydin kéyinmu muqimliqni we qattiq zerbe bérishni tekitlishining da'irilerning xitay weziyitidin bolupmu Uyghur qatarliq xitay bolmighan milletler weziyitidin ensirewatqanliqini hem bu rayonlarda yene bir qétimliq qattiq zerbe bérish herikitining élip bérilishidin bésharet béridighanliqini ilgiri sürdi.

Dilshat rishit bayanida yene, bügün xénende yüz bergen Uyghur tijaretchilirining naraziliq namayishining yüz bérish sewebi heqqide toxtilip, emeliyette mushu xil " Qattiq zerbe bérish siyasiti" sewebidin xénende Uyghur tijaretchilirining naraziliq namayishi yüz bergenlikini tekitlep, da'irilerning muqimliqni saqlash, qattiq zerbe bérishni tekitlesh emes, belki özining nöwettiki qattiq basturush siyasitini tüzitishi kéreklikini bildürdi.

Toluq bet