Бейҗиңда 'террорчилар қолланмиси'ни тарқатқан бир хитай яш сотқа тартилған

Түнүгүн бейҗиң шәһириниң чавяң районлуқ хәлқ сот мәһкимиси, фең фамилилик бир яшни җинайәт усулини өгитиш қилмиши билән әйибләп сотқа тартқан.
Мухбиримиз шоһрәт һошур
2010-09-21
Share

Хитай "қанун" гезитиниң билдүрүшичә, мәзкур гумандар, хитайчә "бәйду" торида "террорчилиқ қолланмиси" намида сәһипә ечип, түрлүк партлатқуч, от қойғуч вә бензин бомбиси ясаш қатарлиқ мәзмунларда тәлим - тәрбийә материяллирини түзүп тарқатқан.

Гумандар террорчилиқ тәрбийисини бултур 11 - айниң 26 - күнидин, бу йил 4 ‏- айниң 19 - күнигә қәдәр давамлаштурған. Хәвәрдә гумандарниң мәқсәт яки пиланлири һәққидә мәлумат берилмигән.

Террорлуқ әндишиси хитай һөкүмитини әң көп биарам қиливатқан мәсилиләрдин биридур . "Террорчилар қолланмиси" ни бир хитай яшниң тарқитиши, җәмийәт көзәткүчилириниңму диққитини тартмақта.

Көзәткүчиләрниң қаришичә, мәзкур гумандар, хитай коммунист һакимийитигә қарши өктичи күчләрдин болиши, вә бәлким 5 - июл вәқәсидин кейинки хитай - уйғур мунасивитидики өчәкишиш вәзийитидин тәсирләнгән, уйғурларға қарши һәрикәт елип беришни тәшәббус қилидиған хитайлардин болуши мумкин икән.

Йәнә бәзиләрниң қаришичә, бу пәқәт бәлким пәқәтла қизиқиш сәвәбидин елип берилған иштин сиртқи һәвәс паалийити болуши мумкин.

Хәвәрдә билдүрүлүшичә, мәзкур дело техи тәкшүрүлүш басқучида болуп, пат йеқинда гумандарниң "террорчилар қолланмиси" ни тарқитиштики мәқсити ашкарилиниши мумкин.
 
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.