Xitay hökümiti Uyghurlar eng köp jaylashqan qeshqer konisheher nahiyiside teshwiqat herikitini bashlidi

Xitayning 'shinjang xewer tori'da ashkarilinishiche, xitay hökümiti bu yil 10‏ - ayda, qeshqer konisheher nahiyiside "chong teshwiqat, chong pash qilish, chong tekshürüsh' herikiti élip bérishqa bashlighan. Xitay hökümiti bu heriketni hökümet organliridiki eng töwen derijilik emeldar dep hésablinidighan mu'awin 'gu' bashliqi derijiliktin yuqiri kadirlarni öz yézilirigha ewetip shulargha bashlatqan.

Xitay hökümiti öz yézilirigha qayturghan kadirlarning qoligha 'teshwiqat tézisi' yézip tutquzghan. Ular shu tizisni oqup yürüp, déhqanlarni hazir 'déng shawping neziriyisi', 'üchke wekillik qilish idiyisi', 'yerni ötünüsh - bay bolush siyasiti' qatarliqlar buyiche ish qilishqa, qeshqerde bu yil yüz bergen 'térrorluq' weqelerni pash qilish we 'üch xil küchler'ge öchmenlik bildürüshke mejburlimaqta.

Xewerde éytilishiche, qeshqer konisheher nahiyiside élip bérilghan bu qétimqi 'chong teshwiqat, chong pash qilish, chong tekshürüsh' herikitige mejburlan'ghan adem sani 60 minggha yetken.