Хитай тәйвәнликләрниң хаңҗу, ниңбо қатарлиқ шәһәрләргә келидиған саяһәт өмәклирини чәклигән

Бирләшмә агентлиқиниң бейҗиңдин баян қилишичә, хитай бүгүн тәйвәндин келидиған саяһәт өмәклиригә, болупму рабийә қадирниң филими қоюлған гавшюң қатарлиқ җайлардики 60 саяһәт өмикигә, уларниң чоң қуруқлуқтики хаңҗу, ниңбо қатарлиқ шәһәрләргә қилидиған саяһитини әмәлдин қалдурғанлиқини уқтурған.
Мухбиримиз вәли
2009.10.21
Share on WhatsApp
Share on WhatsApp

Франсийә агентлиқиниң баян қилишичә, хитайниң тәйвәндә рабийә қадирниң филими қоюлғанлиқи үчүн пәйда болған аччиқи техичә янмиған.

Буниңдин бурун далай ламаниң тәйвә нгә келишигә рухсәт қилинғанда вә рабийә қадирниң филимини қоюш қарар қилинғанда, гәрчә тәйвән һөкүмити рабийә қадирға виза бәрмигән болсиму, чоң қуруқлуқтики саяһәт органлири уюштурған саяһәтләр хитай һөкүмитиниң қаршилиқ көрситиши билән 30% азлиған иди.

Йеқинда рабийә қадир японийни зиярәт қилишқа башлиғандин кейин, хитайни техиму қаттиқ әйибләшкә башлиған, һәтта тәйвәнниң коммунист хитайға йеқинчилиқ қиливатқан ма һөкүмитиниму 'демократийини яқлимайдиған һөкүмәткән' дәп тәнқидлигән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.