Xitay teywenliklerning xangju, ningbo qatarliq sheherlerge kélidighan sayahet ömeklirini chekligen

Birleshme agéntliqining béyjingdin bayan qilishiche, xitay bügün teywendin kélidighan sayahet ömeklirige, bolupmu rabiye qadirning filimi qoyulghan gawshyung qatarliq jaylardiki 60 sayahet ömikige, ularning chong quruqluqtiki xangju, ningbo qatarliq sheherlerge qilidighan sayahitini emeldin qaldurghanliqini uqturghan.
Muxbirimiz weli
2009.10.21

Fransiye agéntliqining bayan qilishiche, xitayning teywende rabiye qadirning filimi qoyulghanliqi üchün peyda bolghan achchiqi téxiche yanmighan.

Buningdin burun dalay lamaning teywe n'ge kélishige ruxset qilin'ghanda we rabiye qadirning filimini qoyush qarar qilin'ghanda, gerche teywen hökümiti rabiye qadirgha wiza bermigen bolsimu, chong quruqluqtiki sayahet organliri uyushturghan sayahetler xitay hökümitining qarshiliq körsitishi bilen 30% azlighan idi.

Yéqinda rabiye qadir yaponiyni ziyaret qilishqa bashlighandin kéyin, xitayni téximu qattiq eyibleshke bashlighan, hetta teywenning kommunist xitaygha yéqinchiliq qiliwatqan ma hökümitinimu 'démokratiyini yaqlimaydighan hökümetken' dep tenqidligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.