Ма йиңҗу: хитай тәйвәнгә қаритилған башқурулидиған бомбилирини еливетиши керәк

Тәйвән президенти хитай һөкүмитини тәйвәнгә қаритип тикләп қойған башқурулидиған бомбилирини еливетишкә чақирди вә ундақ болмай туруп хитай билән тинчлиқ сөһбити елип беришниң орунсиз икәнликини көрсәтти.
Мухбиримиз җүмә
2009-10-19
Share

Ройтерста көрситишичә, тәйвән президенти ма йиңҗу, хитай даирилириниң тәйвәнгә қарита 1000 дин артуқ башқурулидиған синарәт тикләп қойғанлиқини һәмдә буларни барғанчә көпәйтиватқанлиқини, буниң тәйвәнликләр алаһидә диққәт қилидиған мәсиләрдин бир икәнликини көрсәткән. У мундақ дегән: " әгәр биз чоң қуруқлуқ билән тинчлиқ сөһбити елип баримән дәйдикәнмиз, әлвәттә биз уларниң бу башқурулидиған бомбиларни бир тәрәп қилишини халаймиз. Еливәтсиму, чувуп ташлисиму мәйли."

Ма йиңҗу йәнә, гәрчә тәйвәнниң хитай билән һәрбий һазирлиқлар мусабиқисигә чүшмәйдиғанлиқини билдүргән болсиму, өзини қоғдаш учун америкидин йәнә көпләп қорал сетивалидиғанлиқини билдүргән.

Гоминдаң партийисидин болған ма йиңҗу өткән йили тәйвән президенти болуп сайланған вә хитайға қарита юмшақ дипломатийә қолланған. Шундин кейин хитайниң тунҗи юқири дәриҗилик рәһбәрлиридин тәшкиллигән бир сода өмики тәйвәнни зиярәт қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт