Ma yingju: xitay teywen'ge qaritilghan bashqurulidighan bombilirini éliwétishi kérek

Teywen prézidénti xitay hökümitini teywen'ge qaritip tiklep qoyghan bashqurulidighan bombilirini éliwétishke chaqirdi we undaq bolmay turup xitay bilen tinchliq söhbiti élip bérishning orunsiz ikenlikini körsetti.
Muxbirimiz jüme
2009-10-19
Share

Roytérsta körsitishiche, teywen prézidénti ma yingju, xitay da'irilirining teywen'ge qarita 1000 din artuq bashqurulidighan sinaret tiklep qoyghanliqini hemde bularni barghanche köpeytiwatqanliqini, buning teywenlikler alahide diqqet qilidighan mesilerdin bir ikenlikini körsetken. U mundaq dégen: " eger biz chong quruqluq bilen tinchliq söhbiti élip barimen deydikenmiz, elwette biz ularning bu bashqurulidighan bombilarni bir terep qilishini xalaymiz. Éliwetsimu, chuwup tashlisimu meyli."

Ma yingju yene, gerche teywenning xitay bilen herbiy hazirliqlar musabiqisige chüshmeydighanliqini bildürgen bolsimu, özini qoghdash uchun amérikidin yene köplep qoral sétiwalidighanliqini bildürgen.

Gomindang partiyisidin bolghan ma yingju ötken yili teywen prézidénti bolup saylan'ghan we xitaygha qarita yumshaq diplomatiye qollan'ghan. Shundin kéyin xitayning tunji yuqiri derijilik rehberliridin teshkilligen bir soda ömiki teywenni ziyaret qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet