Xitay wekiller ömiki tibet bayriqi tüpeyli chéxiye parlaméntini terk etti

Chéxiyede ziyarettiki xitay xelq qurultiyi milliy ishlar komitétining wekiller ömiki peyshenbe küni chéxiye parlaméntidiki yéshillar partiyisi parlamént ezalirining tibet bayriqini chiqarghanliqi tüpeyli chéx parlamént zalini terk etken.
Muxbirimiz erkin
2008-09-26
Share

Chéxiye metbu'atlirining xewer qilishiche, xitay xelq qurultiyi milliy ishlar komitétining wekiller ömiki pragagha kélip, chéxiye parlaménti töwen palatasi erz ‏ - shikayet komitétining ezaliri bilen söhbet ötküzmekchi idi.

Chéxiye yéshillar partiyisining parlamént ezasi katiréna jeks yéshillar partiyisi parlamént ezalirining herikitini aqlap, " biz xitay wekilliri bilen ötküzülidighan söhbette özimizning kishilik hoquq we tibet mesilisidiki tuyghunliqimizni ipadiliduq " dep tekitligen.

Chéxiye sabiq sowét ittipaqi orbitisidiki sherqiy yawropa elliri ichide xitayning kishilik hoquq weziyiti we tibet mesilisige alahide köngül bölidighan döletlerning biridur.

2007 ‏ - Yili 6 ‏ - ayda dunya Uyghur qurultiyi re'isi rabiye qadirning bush bilen élip barghan uchrishishi chéxiye paytexti pragada élip bérilghan. Lékin yéshillar partiyisi parlamént ezalirining herikiti chéx komunistik partiyisining tenqidige uchrighan. Chéxiye metbu'atliri chéx kommunistik partiye parlamént ezasi pawél kowachikning yéshillar parlamént ezalirining herikitini " ighwagerchilik we balilarche heriket " dep tenqid qilghanliqini bildürgen.

Bu yil 8 ‏ - ayda béyjing olimpik yighini bashlinishidin burun chéxiye bash ministiri mirék topolanék olimpik yighinigha qatnishidighanliqi, lékin échilish murasimigha ishtirak qilmaydighanliqini jakarlighanda meydisige tibet izniki taqiwalghan idi. Bu xitay da'irilirini nahayiti bi'aram qilghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet