Xitay dalay lamani pursetni qedirleshke chaqirghan

Xitay tashqi ishlar bayanatchisi bügün, bashlinish aldida turghan 9 - qétimliq xitay - tibet söhbiti heqqide, dalay lamani pursetni qedirlep, merkizi hökümetning teleplirige ijabiy jawab qayturushqa chaqirghan.
Muxbirimiz shohret hoshur
2010-01-26
Share

Axirqi qétimliqi 2008‏ - yili 11 ‏ - ayda ötküzülgen xitay - tibet söhbitini dawamlashturush üchün tibet wekilliri aldinqi küni xitaygha yétip barghan. Emma söhbetning orni we konkért mezmuni mexpiy tutulmaqta. Bügün xitay bayanatchi sözide söhbetning dalay lamaning telipige asasen, xitayning alaqidar tarmaqlar teripidin uyushturuliwatqanliqini bildürgen. Dalay lamaning bayanatchisi tenzin takla söhbetni "ortaq kélishim üchün bir tirishichanliq jeryani" dep chüshendürgen.

Bügün yene amérika bilen en'gliyimu bayanat élan qilip, mezkur söhbetke medhiye oqughan we bu söhbetni buningdin kéyin élip bérilidighan hel qilghuch söhbetler üchün asas bolup qélishini ümid qilidighanliqini bildürgen.

Yéqinqi yillardin béri dalay lama, xitay hökümitige heqiqiy aptonomiye telipini sunup kelmekte. Xitay bolsa, dalay lamaning esli meqsitining musteqilliq ikenlikini tekitlep, dalay lamaning shertlirini inkar qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet