Далйәндики хәнвей ширкити ишләпчиқарған тухумларда меламин барлиқи байқалди

Хитайдики тоху тухумлиридиму зәһәрлик химийилик мадда меламин байқалған болуп, франсийә агентлиқиниң көрситишичә, йәрлик әмәлдарлар бу иштин бу йил сентәбирдила хәвәр тапқан икән.
Мухбиримиз җүмә
2008.10.27
Share on WhatsApp
Share on WhatsApp

 Хәвәрдә оттуриға қоюлишичә, меламинда булғанған тоху тухумлири далийән шәһиригә җайлашқан хәнвей гуруһиниң мәһсулати болуп, хитайда ишләнгән сүт мәһсулатлирида меламин байқалғандин кийин, далийән шәһәрлик деһқанчилиқ тармақлири тухумларға қарита тәкшүрүш елип барған  һәмдә мәзкур ширкәт ишләпчиқарған тухумлар тәркибидә меламин  барлиқини байқиған.

Хәвәрдә нәқил қилинишичә, мәзкур иштин хәвәрдар бир һөкүмәт хадими, өзлириниң сентәбирдә тәкшүрүш елип берип тухумлар тәркибидә меламин байқиғанлиқини, әмма өктәбирдә елип берилған тәкшүрүштә хәнвей ширкитиниң тухумлири тәркибидә милан байқалмиғанлиқини билдүргән.

Мәлум болушичә, хәнвей ширкити ишләпчиқарған тухумлар хоңкоңға експорт қилинидиған болуп, хәвәрдә нәқил қилинишичә,  бу һәптә ахири, хоңкоң йемәк - ичмәк бихәтәрлик тәкшүрүш вә карантин қилиш мәркизи  хәнвей ширкити тәминлигән тухумларда меламин байқиғанлиқини уқтурған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.