Xitay, mélburn kino féstiwal torigha ikkinchi qétim hujum qildi

Xitay xakkérliri Uyghur milliy herikiti yétekchisi rabiye qadir xanimning awstraliye mélburn xelq'ara kino féstiwalgha qatnishidighanliqigha qarshiliq bildürüp mezkur féstiwal tor bétige yéngi hujum qozghighan.
Muxbirimiz jüme
2009-08-01
Share

Fransiye agéntliqida körsitishiche féstiwal torbéti bir mezgil palet haletke chüshüp qalghan bolup, festiwalning torda orun zakas qilish sistémisi pütünley taqilip qalghan.

Féstiwal bayanatchisi asha holmesning bildürüshiche, amérikida yashaydighan bir xitay puqrasi féstiwal teshkilligüchilirini bu xildiki wirus hujumidin agahlandurghan bolup, hujum xitaygha jaylashqan "barliq xitaylarni heriketke ötüsh chaqiriqi" namliq tor bétidin kelgen iken.

Fransiye agéntliqida neqil élip körsitishiche, féstiwal bayanatchisi mezkur hujumning féstiwalning torda zakaz qilishi sistémisini weyran qilishqa qaritilghanliqi netijide torda buyrutush sistémisini emeldin qaldurup, béletni bélet sétish merkezliride sétish mejbur bolghanliqini bildürgen.

Bayanatchi holmis yene, bu xil hujumlarning filim féstiwalda turidiken yene dawam étidighanliqini, emme filimni féstiwaldin hergiz chiqiriwetmeydighanliqini bildürgen.
Xitay terep rabiye qadir xanim heqqide éshilgen " muhebbetning on sheriti" némila hajetlik filimge qarshi turush uchun, filim teshkilligüchilirige bésim ishlitish, oz filimlirini féstiwaldin chékindürüsh we féstiwal torbétige hujum qilish heriketlirini élip barghan idi.

Bu xitayning féstiwal torigha ikkinchi qétim hujum qilishi bolup hésablinidu. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet