Хитай түркийә билән бирләшмә һава мудапиә маневири елип барған

Америка дөләт мудапиә министирлиқиниң җүмә күни билдүрүшичә, хитай түркийә билән бирләшмә һава мудапиә маневири елип барған. Ройтерста бу һәқтә берилгән хәвәрдә нәқил қилишичә, түркийә мәтбуати маневирниң 20 - сентәбирдин 4 - өктәбиргичә, түркийиниң анатолийә райониға җайлашқан коня һәрбий базисида елип берилғанлиқини ашкарилиған.
Мухбиримиз җумә
2010-10-09
Share

Мәлум болушичә, бу, түркийә йеқинқи заман тарихида тунҗи қетим хитай билән елип барған бирләшмә һәрбий маневир икән.

Мәзкур маневирниң хитай баш министири вен җябавниң түркийә зиярити башлинишниң алдиға орунлаштурулуши көзәтчиләрниң диққитини тартмақта.

Ройтерста нәқил қилишичә, бу нөвәтлики маневирға түркийә америка вйетнам урушида ишләткән ф - 4 типлиқ күрәшчи айропиланларни қатнаштурған. Хитай тәрәп русийидә ишләнгән су -27с типлиқ күрәшчи айропиланларни ишқа салған.

Америка дөләт мудапиә министирлиқи баянатчиси тамара паркер ханим, мәзкур маневир өткүзүлүштин илгири түркийә даирилириниң америкиға вәдә берип, маневир җәрянида шималий атлантик әһди тәшкилатиға аит мәхпийәтликини қаттиқ сақлайдиғанлиқини билдүргән.

Паркер ханим йәнә, түркийиниң йәнила шималий атлантик әһдә тәшкилати вә америка мунасивәтлиригә күчлүк әқидиси барлиқини билдүргән.

2009 - Йилдики " 5 - июл үрүмчи вәқәси" дин кейин түркийә - хитай мунасивәтлири йирикләшкән иди.

Әйни чағда түркийә баш министири рәҗәп тайип әрдоған, хитай даирилирини уйғурлар үстидин йүргүзүватқан "ирқий қирғинчилиқини тохтитишқа" чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт