Xitay türkiye bilen birleshme hawa mudapi'e manéwiri élip barghan

Amérika dölet mudapi'e ministirliqining jüme küni bildürüshiche, xitay türkiye bilen birleshme hawa mudapi'e manéwiri élip barghan. Roytérsta bu heqte bérilgen xewerde neqil qilishiche, türkiye metbu'ati manéwirning 20 - séntebirdin 4 - öktebirgiche, türkiyining anatoliye rayonigha jaylashqan konya herbiy bazisida élip bérilghanliqini ashkarilighan.
Muxbirimiz jume
2010-10-09
Share

Melum bolushiche, bu, türkiye yéqinqi zaman tarixida tunji qétim xitay bilen élip barghan birleshme herbiy manéwir iken.

Mezkur manéwirning xitay bash ministiri wén jyabawning türkiye ziyariti bashlinishning aldigha orunlashturulushi közetchilerning diqqitini tartmaqta.

Roytérsta neqil qilishiche, bu nöwetliki manéwirgha türkiye amérika wyétnam urushida ishletken f - 4 tipliq küreshchi ayropilanlarni qatnashturghan. Xitay terep rusiyide ishlen'gen su -27s tipliq küreshchi ayropilanlarni ishqa salghan.

Amérika dölet mudapi'e ministirliqi bayanatchisi tamara parkér xanim, mezkur manéwir ötküzülüshtin ilgiri türkiye da'irilirining amérikigha wede bérip, manéwir jeryanida shimaliy atlantik ehdi teshkilatigha a'it mexpiyetlikini qattiq saqlaydighanliqini bildürgen.

Parkér xanim yene, türkiyining yenila shimaliy atlantik ehde teshkilati we amérika munasiwetlirige küchlük eqidisi barliqini bildürgen.

2009 - Yildiki " 5 - iyul ürümchi weqesi" din kéyin türkiye - xitay munasiwetliri yirikleshken idi.

Eyni chaghda türkiye bash ministiri rejep tayip erdoghan, xitay da'irilirini Uyghurlar üstidin yürgüzüwatqan "irqiy qirghinchiliqini toxtitishqa" chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet