Хитай баш министири вен җябав 7 - өктәбирдин башлап түркийини зиярәт қилиду
Мухбиримиз әркин
2010.10.04
2010.10.04
Шинхуа агентлиқиниң әскәртишичә, түркийә вен җябавниң 2 - өктәбирдин 9 - өктәбиргичә явропадики 4 дөләттә елип баридиған 7 күнлүк зияритиниң ахирқи бекити болуп, у 7 - өктәбирдә түркийә зияритини башлаштин бурун гретсийә, белгийә, италийини зиярәт қилмақчи иди. Нөвәттә вен җябав белгийини зиярәт қилип, брюсселда асия - явропа әллири башлиқлар йиғиниға қатнашмақта.
Гәрчә рәҗәп таййип әрдоған хитайни "ирқий қирғинчилиқ" билән әйиблигән болсиму, лекин шуниңдин буян хитай түркийә мунасивитидә драматик өзгириш йүз бәргән. Икки дөләтниң барди - кәлдиси күчийип, түркийиниң икки тәрәп содисидики експорт һәҗими җиддий артқан. Шуниңдин буян түркийә һөкүмити уйғур мәсилисини ашкара сорунларда қайта тилға елиштин өзини қачуридиған болуп қалған.
Бәзи анализчилар вен җябавниң зияритидә уйғур мәсилисиниң оттуриға чүшидиғанлиқини илгири сүрсиму, лекин анализчилар арисида түркийиниң қандақ позитсийә тутудиғанлиқиға қарита охшимиған қарашлар мәвҗут. Бәзи анализчилар түркийиниң өз мәнпәәтни көзләп, хитайға һәмкарлашқучи позитсийә тутудиғанлиқини илгири сүрсә, йәнә бәзи анализчилар уйғур мәсилиси музакирә қилинсила буниң өзи иҗабий илгириләш һесаблинидиғанлиқини тәкитлимәктә.
Түркийиниң хитайда турушлуқ баш әлчиси мурат селим әсәнли, вен җябавниң зиярити түркийә - хитай мунасивитини алға сүридиғанлиқи вә икки дөләт мунасивитиниң келәчикидин үмидвар икәнликини билдүргән.
Көп көрүлгән хәвәрләр
RFA
- Алмутадики уйғур җамаити 1-өктәбир “матәм күни” дә вәтән шеһитлирини яд әтти
- Японийә вә австралийәдә хитайниң уйғур елини бесивалғанлиқиниң 75 йиллиқиға наразилиқ билдүрүлди
- Хитай дипломатик органлири бу йиллиқ дөләт байримини тәбрикләштә йәнә “шинҗаң уссули” ни сәһнигә елип чиққан
- Уйғурлар дуч кәлгән ирқий қирғинчилиққа аит йеңи китаб түркийәдә тарқитилишқа башлиди
- Мәһмуд қәшқәри вә һүсәйин тәҗәлли һәйкилиниң чеқиветилгәнлики дәлилләнди