Xitay "5 - iyul weqesi" sewebidin 21 kishini jazalighan

Xitayning Uyghur aptonom rayoni da'iriliri jüme küni ürümchide "5 - iyul weqesi" sewebidin 21 kishige jaza élan qilin'ghanliqini bildürgen. Shinxu'a agéntliqining ürümchi teptish da'irilirining sözini neqil keltürüp xewer qilishiche, da'iriler jazalan'ghan bu kishilerni ot qoyush, adem öltürüsh, bulangchiliq qilish we urup - chéqish qatarliq jinayetler bilen eyibligen.
Muxbirimiz erkin
2009-09-25
Share

Lékin shinxu'a agéntliqi jazagha tartilghan 21 kishining ichidiki peqet 8 kishining kimlikini élan qilghan bolup, qalghan kishilerning kimlikini tilgha almighan. Bu 8 kishining ichidiki 6 kishining ismidin qarighanda bularning Uyghur ikenliki melum.

Shinxu'a agéntliqining bu heqtiki xewiride eskertilishiche, ürümchi sheherlik teptish da'iriliri yene " ürümchi weqeside qolgha élin'ghan gumandarlarni jazalash ishlirining dawamliq élip bérilidighanliqi"ni tekitligen. Lékin shinxu'a agéntliqigha melumat bergen bu teptish emeldari yene qanchilik ademning eyiblinidighanliqigha da'ir konkrét mesililer toghrisida uchur bermigen.

Xitay metbu'atliri ilgiri saqchi da'irilirining sözini neqil keltürüp, "5 - iyul weqesi"de resmiy qolgha élin'ghanlarning 1600 yétidighanliqini élan qilghan bolsimu, lékin kéyinrek ürümchi sheherlik j x idarisining bashliqi 718 neper kishining resmiy qolgha élin'ghanliqini élan qilghan idi.

Ürümchi sheherlik teptish mehkimisi 8 - aydiki bir bayanatida qolgha élin'ghanlar ichidin 83 kishining resmiy eyiblinidighanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet