Хитай мәркизи һөкүмити ваң лечуәнниң әмәлдарлирини алмаштурушқа башлиди

'Нюйорк таймис гезити' ниң бүгүн баян қилишичә, үрүмчидә хитайлар намайиш қилғандин кейин, хитай һөкүмити үрүмчи шәһириниң коммунист башлиқи ли җижни вәзипидин қалдурди вә бу шәһәрдә тәртип сақлаш үчүн наһайити көп қораллиқ сақчи орунлаштурди.
Мухбиримиз вәли
2009.09.05

Шинхуа агентлиқиниң баян қилишичә, аптоном райоонлуқ партком бүгүн үрүмчи шәһриниң партком секритари ли җжни вәзипидин қалдуруп, униң орниға бурун қәшқәр, хотәнләрдә вәзипә өтигән җу хәйлүнни бәлгилиди. Шундақла йәнә, аптоном районлуқ хәлқ қурултейи даими комитети бүгүн, аптоном районлуқ җамаәт хәвпсизлики назаритиниң назири люявхуани вәзипидин қалдуруп, җу чаңҗени назирлиққа тәйинлиди.

Шинхуа агентлиқиниң түнүгүнки хәвиридә, хитай коммунист партийә мәркизи комитети, дөләт кабинити үрүмчигә муқимлиқ қоғдашқа йетәкчилик қилишқа әвәткән хитайниң дөләт ишлири комссари, җамаәт хәвпсизлик миниситири мең җәнҗу, партийә мәркизи комитетиға вакалитән һәрбий қисимлар билән, қораллиқ сақчи қисимлар билән, сақчилар билән вә хәлқ аммиси билән көрүшиватиду, дәп баян қилған иди.

'Шинхуа агентлиқи'ниң бүгүнки хәвиридә, гәрчә бүгүн үрүмчидә кучиларниң һәммисини қораллиқ сақчилар контрол қилди, вәзийәт асасән тинҗиланди, бирақ бу җәрянда қатнашқа чәклимә қоюлғанлиқи үчүн, шәһәр аһалилириниң хизмәткә бериш вә сода қилиши қолайлиқ болмиди, дәп баян қилған болсиму, әмма хоңкоңда чиқидиған 'миңпав гезити'ниң хәвәр қилишичә, бүгүн шәнбә күни әтигәндә йәнә, хитайниң қораллиқ қисимлири үрүмчи шәһәрлик һөкүмәтниң әтрапиға топланған кишиләргә қарита яш аққузуш бомбиси атқан. Йолдин өткән кишиләр йүз - көзини йөгәп өтүшкә мәҗбур болған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.