Xunendimu Uyghur tijaretchiler bilen xitaylar arisida toqunush yüz bergen

Ötken hepte xunen ölkisining yöyang shehiridiki Uyghur tijaretchiler bilen xitaylar arisida toqunush yüz bergen. Xewerlerde bayan qilinishiche, toqunush yangaq méghizi sétiwatqan bir Uyghur tijaretchi bilen lin famililik bir xitay xéridarning öz-ara gep uqushmasliqidin kélip chiqqan.
Muxbirimiz shöhret hoshur
2012.12.03

Melum bolushiche deslepte ikkisi söz talashqan, arqidin bir-birini ittirishken. Axirida ikki terepke yan basquchi Uyghur we xitaylar bir-birige hujum kolléktip urup-soqush weqesi yüz bergen. Weqede ikki kishi yénik yarilan'ghan, 160 ming yüen qimmitidiki yangaq méghizi we 40 ming yüen qimmitidiki bir motsiklit buzghuchiliqqa uchrighan.

“Uyghurbiz” torining xitay tor betliridiki uchur we inkaslargha asasen xewer qilishiche, yöyang saqchi da'iriliri weqege jiddiy arilashqan؛ netijide mezkur weqede ziyan'gha uchrighan 16 neper Uyghur tijaretchining ziyanliri tölep bérilip, yurtigha qayturulghan. Nöwette weqe tughdurghan ling famililik xitay yüyangdiki tyenyüé saqchixanisida tutup turulmaqta.

Bu xitay ölkiliride ötken hepte ichide yüz bérip axbarat ashkarilan'ghan Uyghur tijaretchiler bilen xitay puqraliri arisidiki ikkinchi qétimliq toqunushtur. Aldinqi qétimliqi xénen ölkisining jénping nahiyiside yüz bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.