Мелбурн шәһиридә уйғур намайишчилар билән хитайпәрәс намайишчилар арисида тоқунуш йүз бәргән

Австралийиниң мелбурн шәһиридә уйғур намайишчилар билән хитайпәрәс намайишчилар арисида тоқунуш йүз бәргән болуп, ройтерс агентлиқида хәвәр қилинишичә, тоқунуш шәнбә күни фестивал зали йенида мәйданға кәлгән.
Мухбиримиз җүмә
2009.08.08

 Хәвәрдә, вәқә шаһитлириниң ейтқанлиридин нәқил елип көрситишичә, рабийә қадир ханим,  "муһәббәтниң он шәрти" намлиқ өзи һәққидә ишләнгән һөҗҗәтлик филим көрситилидиған мелбурн һөкүмәт залиға кириш алдида хитайпәрәс намайишчилар зал йенида намайиш қилған. Хитай намайишчилар  қоллирида плакатларни пулаңлитип рабийә ханимни "террорчи" дәп әйиблигән.

 Нәтиҗидә қоллирида шәрқий түркистанниң ай юлтузлуқ көк байриқини көтүрүшкән уйғур намайишчилар, уларға қарши шоарларни товлашқан.  Аридин бир уйғур ханим хитай намайишчиларға етилип тоқунушқанда, көзәттә турған сақчилар тәрипидин айриветилгән.

Бу хитайларниң "муһәббәтниң он шәрти" намлиқ филимгә қарши көрсәткән ахирқи тиришчанлиқлиридин бири болуп һесаблиниду.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.