Xitay wétnam béliqchi paraxotigha oq chiqarghanliqini inkar qildi.

Amérika awazining bu heqtiki xewiridin melum bolushiche, yaponiyining ortaq xewerler agéntliqi wétnamning bir béliqchi paraxotining jenubiy parasil taqim aralliri rayonidiki özige tewe rayonda xitay paraxotining oq chiqirishigha uchrighanliqi hemde matroslargha su chachqanliqi heqqide xewer tarqatqan bolup, bu weqe 22 - féwral küni yüzbergen iken. Biraq “Xitay okyan” gézitining xewiride körsitishiche, junggo déngiz nazaret bash etritining mes'ul xadimi bundaq weqening bolghanliqini inkar qilip, bu weqeni yaponiye metbu'atining toqup chiqqanliqini ilgiri sürgen. U yene mezkur organning peqet déngizda charlash élip bérip, qanunsiz qilmishlarni éniqlaydighanliqini körsetken.

Jenubiy parasil we sipratil taqim arallirining igilik hoquqi mesilisi uzundin buyan xitay, wétnam, filippin we bashqa bir qisim sherqiy jenubiy asiya döletliri arisida jiddiy ixtilaplarni keltürüp chiqarmaqta idi. Bu mesilide wétnam, xitay hem filippin eng sezgürdur. 1974 - Yili jenubiy taqim arallirida wétnam bilen xitay déngiz armiyisi bir meydan déngiz urushi qilghan.