Béyjingdiki qanun proféssorliri edliyide islahat élip bérishni telep qildi
2013.01.17
Doklatta, xitaydiki qanun-edliye sistémisigha ötken 4 yilda bir qisim tüzitishler kirgüzülgen bolsimu, emma buning yéterlik bolmighanliqi, edliyining musteqilliqini ishqa ashurushta téxi nurghun négizlik mesililerning saqlinip yatqanliqi otturigha qoyulghan.
Xitayning qanun sahesidiki mutexessisler doklatida, edliye sistémisida tüptin islahat élip bérishning achquchini-edliyining musteqilliqigha kapaletlik qilish, edliye we partiyining munasiwitini tertipke sélish, partiyining edliyining musteqilliqigha bolghan xata chüshenchisini özgertishtin ibaret, dep körsetken.
B b s ning xewer qilishiche, mutexessisler doklatida xitaydiki emgek bilen özgertish tüzümi mesilisinimu tilgha élip, bu tüzümning jaylarda erzdarlargha zerbe béridighan, pikir erkinlikini boghidighan wasitige aylandurulghanliqini eskertip, bu tüzümni derhal bikar qilishni telep qilghan.
Xitayda yéngi rehber almishish mezgilide xitayni siyasiy islahat élip bérishqa chaqiridighan awazlar kücheydi. Islahat terepdarliri yéngi rehber shi jinping dölet re'islikini tapshurup alidighan bu mezgilni xitayning teqdirining belgilinishide hel qilghuch bir peyt, dep qarimaqta.