Хитай баш министири вен җябав, ғәрб мәтбуатлириниң зияритини қобул қилғанда демократийини илгири сүридиғанлиқи һәққидә тохталди

Хитай баш министири вен җябав хитайда демократийини илгири сүридиғанлиқини тоғрисида вәдә бәргән болуп, вен йәнә буларниң тибәт мәсилиси қатарлиқларниму өз ичигә алидиғанлиқини оттуриға қойған.
Мухбиримиз җүмә
2008-09-29
Share

Хитай баш министири вен җябав юқириқиларни америка кабел хәвәрләр торида елип берилған бир сөһбәттә оттузға қойған болуп, у сөһбәт җәрянда 1989 - йилидики тйәнәнмен вәқәси қатарлиқ назук темилардики соалларға дуч кәлгән.

Вен тйәнәнмен вәқәсиниң савақлири һәққидә соралған соалға җаваб берип, мәзкур суалиниң негизиниң хитайдики демократийә тәрәққиятиға берип тақилидиғанлиқини, хитайда демократийини илгири сүрүш үчүн алди билән демократик сайлам системисини аста - аста йолға қоюш, иккинчидин қанун вә әдлийә системисини илғарлаштуруш, үчинчидин хитайда һөкүмәт, ахбарат қатарлиқларға пуқраларниң назарәтчилик қилиши қатарлиқларни әмәлгә ашурушқа тоғра келидиғанлиқини оттуриға қойған.

Гәрчә хитай һөкүмити өз һакимийитиниң демократийә қурулушини илгири сүрүш җәһәттә идийә тәйярлиқи барлиқини билдүрүватқан болсиму, әмма уйғур ели вә тибәтләрдә кишилик һоқуқ һәр тәрәптин еғир дәпсәндә қилиниватқан болуп, 19 ‏ - сентәбир күни америка ташқи ишлар министирлики елан қилған бу йиллиқ диний әркинлик доклатида, хитайниң тибәт вә уйғур аптоном районида диний әркинликни бастурушни күчәйткәнлики тәнқидләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт