Béyjingda pasxa bayrimi ötküzüsh üchün jem bolghan xristiyanlar tarqitiwétildi

Yekshenbe küni xristi'anlarni pasxa bayrimi munasiwiti bilen bir yerge jem bolghan xristi'an muritliri xitay paytexti béyjing shehiride saqchilar teripidin zerbige uchrighan bolup, birleshme agéntliqining xewer qilishiche, xitay saqchiliri kem dégende 30 neper xristi'an muritini tutup ketken hemde diniy pa'aliyetni tarqitiwetken .
Muxbirimiz ümidwar
2011.04.24

Amérikidiki xristi'an diniy teshkilati “Xitaygha yardem” ning ashkarilishiche, az dégende 34 adem tutup kétilgen bolup, béyjingdiki yer asti xristi'an dini teshkilati üch heptidin buyan her yekshenbe küni pa'aliyet ötküzüshke tiriship kelgen bolsimu, emma saqchilar teripidin birdek tarqitiwétilgen hemde yekshenbe küni ularning popi jin tyenmén bashliq 500 etrapida murt öz öyliride cheklep qoyulghan.

Gu'angju we ichki mongghuldiki xristi'an muritlirining yekshenbe künidiki pasxa bayrimi munasiwiti bilen jem bolushimu tosup qoyulghan iken.

Amérika birleshme agéntliqining yézishiche, hazir pütün xitayda 60 milyon etrapida xristi'an muriti bar bolup, ular yer asti chérkawliridiki diniy pa'aliyetlerge qatnishidiken.

Yekshenbe küni pütün dunya xristi'anlirining pasxa bayrimi küni bolup, bu munasiwet bilen watikan popi 16-bénédikit nutuq sözligen hemde sözide liwiyidiki toqunushlarni axirlashturushni telep qilghan idi.

Watikan izchil halda xitay hökümitidin diniy erkinlikke yol qoyushini telep qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.