Xitay yaponiyining uniwérsal mudapi'e istratégiyisige naraziliq bildürdi

B b s ning xewer qilishiche, yapon da'iriliri élan qilghan uniwérsal mudapi'e istratégiyisi asasen xitayni nishan qilghan bolup, uningda xitayning sénkaku arili we shuninggha oxshaydighan talash-tartishtiki arallarni bésiwélish éhtimaligha qarshi élinidighan tedbirler békitilgen we yaponiye hawa, quruqluq, déngiz qisimlirining birliship uniwérsal mudapi'e sistémisi shekillendürüp kelgüsi 10-20-yil ichide peyda bolushi mumkin bolghan yéngi weziyetke qarita istratégiyiler belgilen'gen iken.

Gerche, mezkur mudapi'e istratégiyiside yaponiye diqqet qilishqa tégishlik döletler arisida rusiye we shimaliy koriyimu tilgha élin'ghan bolsimu, emma uning asasliq nishani yenila xitay iken.

Xitayning yaponiyidiki elchixanisi bügün buninggha qayturghan inkasida yuqiridiki uniwérsal istratégiyige naraziliq bildürüp: “Bu xil xitayni qesten tehdit qilip körsitish, meqsetlik qilin'ghan qutratquluq” dédi.

B b s ning éytishiche, yaponiye bilen xitayning munasiwiti sénkaku arili mesilisi sewebidin jiddiyliship qalghandin béri, yaponiye mudapi'e sistémisini kücheytish bilen birge, amérika bilen bolghan mudapi'e hemkarliqinimu kücheytishke tirishmaqta.