Yaponiye xitaydin yapon shérketlirining ziyinini tölep bérishni telep qilmaqchi
2012.09.27
Mezkur soda saraylarning bashliqi xirakazu natsuxaraning muxbirlargha bildürüshiche, xunen ölkisidiki soda saraygha hujum qilghan namayishchilar iskilattiki mallarnimu oghrilap ketkenliktin, dukanning omumiy chiqimi 500 milyon yüendin éship ketken.
Yaponiye - xitay arisidiki aral talash - tartishi ötkürleshkendin kéyin, xitayning bir qanche ölkiliride yapon'gha qarshi namayishlar yüz bergen idi. Namayishlardiki zorawanliq urup - chéqishtin halqip, shu jaylarda turushluq yapon puqralirigha we yapon elchilikining aptomobillirigha hujum qilishqa bérip yetken. Buning bilen yapon da'iriliri xitay hökümitini yapon puqraliri we shérketlirining bixeterlikige kapaletlik qilish heqqide agahlandurghan idi.
Emma, bu heqte élan qilin'ghan xewerlerde xitay közetküchiler xitayda héchqandaq démokratiyilik namayishqa yol qoyulmaydighanliqidek bir pakitni eskertip turup, yapon'gha qarshi namayishlarning pütünley xitay hökümiti teripidin küshkürtülgen pilanliq namayishlar ikenlikini bildürgen we xitay namayishchilarning zorawanliq qilmishliri tenqid qilin'ghan idi.
Fransiye agéntliqining xewer qilishiche, yapon hökümiti aldinqi hepte xitay hökümitidin yapon shirketliri tartqan ziyanni tölep bérishni telep qilidighanliqini bildürgen. Yaponiye bilen xitay arisidiki tijaretning omumiy qimmiti 340 milyard dollar bolup, diplomatiyilik sürkilish ikki terepning iqtisadigha tesir yetküzgen. Toyota we nissan shérketliri xitayda aptomobil ishlepchiqirishni kémeytidighanliqini élan qilghan.