Хитай мәтбуатлирида японийидики америка радар системисиниң хитайни нишан қилидиғанлиқи илгири сүрүлди

Америка дөләт ишлар министирлиқи баянат елан қилип, японийиниң шималий қисмиға орунлаштурулуши музакирә қилиниватқан башқурулидиған бомбидин алдин сигнал бериш радар системисиниң шималий корийидин келидиған тәһдитләргә қаритилидиғанлиқи, буниң хитай билән алақиси йоқлуқини билдүргән болсиму, хитай мәтбуатлирида мәзкур радар системисиниң хитайни нишан қилидиғанлиқи илгири сүрүлди.
Мухбиримиз җүмә
2012.08.25


“вал стрит журнили” ниң хәвәр қилишичә, мәзкур йеңи радар системиси 2006 - йилидин буян японийигә орунлаштурулған X - долқун микро долқунлуқ радар системисиға сәплинидикән.

“хитай күндилик гезити” ниң хәвәр қилишичә, хитай һәрбий мулаһизичилири мәзкур радар системисиниң хитайдин етилған башқурулидиған бомбиларни тосуш үчүн орнитилғанлиқини тәхмин қилған.

Хәвәрдә нәқил қилишичә, хитай дөләт бихәтәрлик сиясити тәтқиқат кеңишиниң муавин секретари ли чиңгоң бу радар системисиниң хитайниң деңиз қирғақлиридин етилған бомбиларниму көзитәләйдиғанлиқини билдүргән.

Ли чиңгоңниң билдүрүшичә, мәзкур радар системиси башқурулидиған бомба қалқан системисиниң әң муһим тәркиби қисми болуп, бу сеситма етилған бомбиларни байқаш, етилиш йөлинишни бекитиш вә типини айриш қатарлиқ иқтидарларға игә икән.

У мундақ дегән: бу радар системиси шималий корийиниң башқурулидиған бомбилириға қарита ишлитилсә “пашни зәмбирәктә атқандәк” иш болиду. Бу система асаслиқи җуңгониң башқурулидиған бомбилириға қаритилған дәп қараймән.

Хәвәргә қариғанда, америка һәрбий әмәлдарлири бу хилдики алдин байқаш радар системисиниң йәнә хитай билән земин дәталиши күчийиватқан филиппинғиму орунлаштурулидиғанлиқини илгири сүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.