Хитай америкини шәрқи деңиз мәсилисидин нери турушқа чақирди
Мухбиримиз шоһрәт һошур
2010.09.21
2010.09.21
Бирләшмә агентлиқиниң йәкшәнбә күнидики хәвиригә қариғанда, америка президенти обама мушу җүмә күни, шәрқи җәнуби асия дөләтлири билән йиғин өткүзидикән вә йиғинда шәрқи җәнубий деңиз мәсилисиниму музакирә қилидикән.
Хәвәрләрдин қариғанда җүмә күндики йиғиндин кейин, америка билән шәрқи җәнубий асия дөләтлири бирликтә шәрқи деңиз мәсилиси һәққидә бир бирләшмә баянат елан қилидикән.
Вашингтонда тәйярланған баянатниң лайиһисидә, шәрқи деңиз мәсилисини тинчлиқ билән һәл қилиш, хәлқара қанунларға әмәл қилиш вә деңиз сәпири әркинликигә капаләтлик қилиш қатарлиқлар тәкитләнгән.
Америка ташқи ишлар министири һиларий ханим 7 - айда вейтнамда қилған сөзидә, шәрқи деңиз мәсилисиниң америкиниң дөләт мәнпәәтигә четилидиғанлиқини тилға алған вә шу чағдиму хитай тәрәп қаттиқ наразилиқ билдүргән иди.
Хитай баянатчи бүгүнки сөзидә, шәрқи деңиз мәсилисини пәқәт талаш - тартиштики араллар билән тутишидиғанла дөләтләрниң сөзлишиши керәкликини әскәрткән.