Xitay hökümiti yapon'gha qarshi namayishlardin endishe qilishqa bashlidi

Xitay xelq gézitining xewer qilishiche, xitay merkizi hökümitining siyasiy qanun ishliri mes'uli ju yünkang düshenbe küni yapon'gha qarshi namayishlar heqqide telimat bérip, namayishlarning döletning siyasiy we ijtima'iy muqimliqigha tesir körsetmeydighan derijide élip bérilishi kéreklikini uqturghan.
Muxbirimiz shohret hoshur
2010.10.26
Share on WhatsApp
Share on WhatsApp

Ju yünkangning bu sözliridin xitay hökümitining nöwettiki yapon'gha qarshi namayishlarning nishani we xaraktéri özgirip, xitay kompartiyisining bir partiyilik tüzümige qarshi namayishqa özgirip kétish xewpidin endishe qiliwatqanliqi melum bolmaqta.

Bir qisim xongkong we yapon axbarat wastilirida ötken hepte axirida shenshi ölkisining bawji shehiride élip bérilghan yapon'gha qarshi namayishta, bezi namayishchilarning xitay hökümitidiki parixorluqqa, öy bahasining örlep kétishke qarshi shu'arlarnimu towlighanliqi bayan qilin'ghan we bu, namayishchilarning köp partiyilik tüzümni telep qilishi dep körsitilgen idi.

Melum bolushiche, bügün yene chungching shehiride 500 din artuq namayishchi yapon konsulxanisi aldida namayish qilip, yaponiyini sénkaku arili üstidiki heq telipidin waz kéchishke chaqirghan. Namayishchilar yene qollirida yapon mallirini bayqut qilishqa chaqirilghan lozunkilarni kötürüwalghan.

Ju yünkang tünügünki sözide, namayishchilarning wetenperwerlik héssiyatining eqliy ölchemlerdin halqip ketmesliki we heriketlirining intizam chégrisidin chiqip ketmesliki üchün teshwiqat xizmitini kücheytishni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.