Хитай даирилири японийигә зәһәрлик сумантиси чиқарған бир хитайни қолға алди

Хитай даирилири японийигә зәһәрлик сумантиси чиқарған бир хитайни қолға алғанлиқини җакарлиди. Икки йил аввал японийидә хитайдин импорт қилинған сумантисини йәп он адәм зәһәрләнгәндин кейин, бу вәқә японийә җәмийитидә ғулғула қозғиған вә японийә - хитай мунасивәтлирини җиддийләштүргән иди.
Мухбиримиз җумә
2010.03.27

Хитай ахбаратлирида көрситишичә, хитай җ х министирлиқи японийигә експорт қилинған сумантиси тәркибигә зәһәрлик мадда қошувәткүчи лу йөтиң исимлик хитай пуқраси болуп, у хебей өлкисигә җайлашқан бир йемәклик ширкитидә ишлигән икән.

Мәлум болушичә, лу, ширкәт униңға бәргән маашқа нарази болуп, ширкәттин өч елиш мәқситидә сумантисиға зәһәр қошуп түгкән икән.

Мәзкур хәвәр оттуриға чиққандин кейин, японийә баш вәзири һатояма хитайниң японийә - хитай мунасивәтлирини яхшилаш йолида көрсәткән тиришчанлиқлирини мәдһийилигән.

2008 - Йили японийидә йүз бәргән зәһәрлик сумантиси вәқәси японийә пуқралири арисида хитай маллириға ишәнмәслик туйғуси пәйда қилған иди. 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.