Yaponiyige qarshi namayishta 'chiriklikke qarshi turush' sho'ari meydan'gha chiqqan
Muxbirimiz ümidwar
2010.10.24
2010.10.24
Réytérs agéntliqining xewer qilishiche, lenju shehiride 200 etrapida namayishchi öz hökümitini yaponiyige qarshi turushqa chaqirip, naraziliq namayishi ötküzgen. Namayishchilarning mutleq köp qisimi yashlar iken.
Bu küni yene, bawji shehridimu namayish yüz bergen. Biraq, bawjidiki namayishchilarning tigh uchi yapon'ghila emes, belki chirik biyokratlarghimu qaritilghan. En'gliye b b s agéntliqining yaponiye menbeliridin neqil keltürüshiche, bawjidiki namayishta "biyokratlargha qarshi turayli, chiriklikke qarshi turayli" dégen xetler yézilghan lozunkilar kötürülgen. Bawjidiki namayishchilar yene "yuqiri öy bahasigha qarshi turayli" dégen kök renglik lozunka bilen "köp partiye hemkarliqini ilgiriliteyli" dégendek yéshil renglik lozunkilarni kötürgen iken.
Tehlil qilinishiche, yapon'gha qarshi namayishlarda mezkur lozunkilarning peyda bolushidin kéyin, belki béyjing da'iriliri buningdin kéyin ötküzülidighan yapon'gha qarshi namayishlargha nisbeten segeklik bilen mu'amile qilip, uning ichki mesililerge qarshi namayishqa aylinip kétishining aldini élishini mumkin iken.