Японийә хитайға йеқин аралға һәрбий қошун әвәтмәкчи

Японийә һөкүмити шәрқий деңиздики аралларда һәрбий қошун турғузушни пиланлиған.

2010-11-21
Share

 Ройтерс агентлиқиниң хәвәр қилишичә, японийә һөкүмити өзини қоғдаш күчлириниң 100 нәпәр һәрбий хадимини тәйвәндин 110 километир, хитай билән японийә арисида талаш-тартиш үстидә туриватқан сенкако арилидин 160 километир нериға җайлашқан йонагуни арилиға әвәтишни қарар қилған. Бу пилан 2014-йили әтрапида әмәлийләштүрилидикән. Әгәр шундақ болса, бу японийиниң тунҗи қетим хитайға йеқин деңиз райониға җайлашқан аралларға өз һәрбий қошунини орунлаштуруши болуп һесаблинидикән.

Йонагуни арили тинч окяндики окинава тәвәсигә җайлашқан болуп, окинава японийиниң бир райони болсиму, әмма, бу йәрдә америкиниң тинч окян қисимлириниң һәрбий базиси бар шуниңдәк йәнә мәзкур җайда 2100 әтрапида япон әскириму орунлашқан.

 Буниңдин илгири японийә билән хитай арисида сенкако арили әтрапида парахот соқушуп кетиш вәқәси йүз бәргәндин кейин, икки дөләт арисидики ихтилап күчәйгән. Хитай вә японийидә бир-биригә қарши наразилиқ намайишлири елип берилған иди. японийә изчил түрдә шәрқий деңиздики сенкако арилини өз земин даириси ичигә киргүзүп кәлгән болуп, хитай тәрәп болса, бу районларниң өз тәвәлики даириси ичидә икәнликини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт