Хитай - явропа иттипақи рәһбәрлири йиғини нәтиҗисиз ахирлашти

Нәнҗиңда ечилған хитай вә явропа иттипақи рәһбәрлири йиғини түнүгүн ахирлашти; әмма йиғинда һичқандақ йеңи һәмкарлиқ пилани оттуриға қоюлмиған.
Мухбиримиз шоһрәт һошур
2009.12.01
Share on WhatsApp
Share on WhatsApp

Йиғин асаслиқи килимат мәсилиси вә хитай пулиниң қиммитини тәңшәш мәсилиси үстидә музакирә елип барған. Музакиридә хитай юқириқи һәр икки темида явропа бирликиниң тәләплиригә көнмигән.

Хитай баш министири вен җябав пул қиммити мәсилисидиму хбирларға қилған сөзидә, хитай пулиниң қиммитидики муқимлиқниң хитайниң иқтисадий вәзийитидики муқимлиққа бивастә тәсир көрситидиған чоң мәсилә икәнликини әскәрткән; у явропа бирликиниң килимат мәсилисидә йетәкчилик рол ойнаш тәклипини рәт қилип, хитайниң бу җәһәттә көп әҗир сиңдүрүп болғанлиқини билдүргән.

Вен җябав йиғин давамида йәнә, явропа иттипақи билән хитай арисидики һәмкарлиқниң, өз - ара мәдәнийәт әнәнилиригә һөрмәт қилиш, иҗтимаий түзүм вә сиясий көз қараш пәрқигә һөрмәт қилиш үстидә чиң туридиғанлиқини әскәрткән.

Вен җябавниң бу әскәртмиси бәзи көзәткүчиләр тәрипидин, хитай инсан һәқлири мәсилисидә өзигә келидиған тәнқидниң алдини елишни мәқсәт қилиду дәп қаралмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт