Хитай йеңи чеграға бәлгилигән йеңи секретар һазир аталғу өзгәртмәктә

Хитай йеқинда йеңи чегра (шинҗаң)ға бәлгилигән йеңи секретар җаң чүншән қилған сөзлиридә йеңи аталғу қоллинишқа башлиди.
Мухбиримиз вәли
2010-05-05
Share

"Йеңи чегра хәвәр тори" бир һәптидин буян елан қиливатқан учурлардин мәлум болушичә, хитай һөкүмити йеқинда йеңи чегра (шинҗаң)ға бәлгилигән йеңи секретар җаң чүншән нәгила барса "партком хәлқни бай қилишни биринчи орунға қойиду", "хәлқниң һаяти вә мүлкиниң бихәтәрликигә чоқум капаләтлик қилиш керәк ", "шинҗаңниң әтики мәнзириси техиму гүзәл" дәп сөзләшкә башлиди.

Ағзидин "муқимлиқ биринчи", "үч хил күчләргә қаттиқ зәрбә бериш керәк" дегәндин өзгә сөз чиқмайдиған нур бәкриму, һазир бундақ сөзләрни ташлап, йеңи секретарниң кәйнидә пай - петәк болуп, униң қилған сөзини тәкрарлашқа башлиди.

Әмма чәтәлдә туруватқан көпинчә уйғурлар, йиллардин буян уйғурларға вә тибәтләргә қарита чоң хитайчилиқ сиясити йүргүзүп, дәһшәтлик бастурушни тохтатмиған, сиясәтлири мәғлуп болуп амалсиз қалғанда чоң бурулуш ясап, "ярдәм бериш" дегән нам билән иқтисадий тәдбир қоллиниватқан ху җинтавдин әмди яхшилиқ келидиғанлиқиға ишәнмәйдиғанлиқини билдүрмәктә.

Пикирләр (1)

Барлиқ пикир - баянларни көрүш.

Anonymous says:
May 06, 2010 04:36 AM

Yeqindin buyan tor betinglardiki xewer-maqalilarda adetlen,gen Xitayche soz “Xinjiang”ning ornigha Uyghurche ‘ yéngi chégra “digen sozni ishlitishke bashlighininglarni qizghin qollaymen we tebrikleymen.Bizmu bu sozge adetlinishimiz we her sahede mushundaq teleppuz qilishimiz lazim.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт