Хитай даирилири 'бөлгүнчилик'кә қарши туруш күришидә интизамға хилаплиқ қилған миллий кадирларни җазалаш бәлгилимиси елан қилди

Уйғур аптоном райони парткоминиң интизам тәкшүрүш комитети йеқинда мәхсус һөҗҗәт чүшүрүп, "бөлгүнчилик"кә қарши күрәштә мәйдани қәтий болмиған миллий кадирларниң партийидин қоғлап чиқирилидиғанлиқини агаһландурған.
Мухбиримиз әркин
2010-09-17
Share

Дуня уйғур қурултийи баянатчиси дилшат ришитниң әскәртишичә, "бөлгүнчилик"кә қарши күрәштә сиясий интизам хаталиқи садир қилған партийә әзалири вә йәрлик партийә тәшкилатлирини җазалаш тоғрисидики31 маддилиқ мәзкур бәлгилимә асаслиқи йәрлик миллий кадирларға қаритилған.

Бәлгилимидә, мақалә йезип, нутуқ сөзлигән, ахбарат вә хитабнамә елан қилип, миллий бөлгүнчилик вә диний радикализмни ашкара тәрғиб қилған партийә әзалириға дәрһал партийидин қоғлап чиқириш җазаси берилидиғанлиқини елан қилған. Миллий бөлгүнчилик идийиси тәрғиб қилинған, дөләтниң бирлики вә милләтләр иттипақлиқиға зиян селишқа четилидиған радио, телевизийә программилирини аңлаш вә көрүши чәклинип, хилаплиқ қилғучиларға җиддий агаһландуруш, еғирлириниң партийидин қоғлап чиқирилидиғанлиқини бәлгилигән.

Дуня уйғур қурултийи, хитай даирилириниң мәзкур һөҗҗәтни 2010 - йили 7 - айниң 1 ‏- күнидин башлап рәсмий иҗра қилишқа башлиғанлиқини билдүрмәктә. Лекин хитай даирилири буниңдин бурун 2000‏ - йили 12 ‏- айда буниңға охшаш бир һөҗҗәт чүшүрүп, миллий партийә әзалириниң һәрикитини контрол қилишни күчәйткән иди. Бу йил 7 - айдин башлап иҗра қилинишқа башлиған йеңи һөҗҗәтниң мәзмуни бурунқи һөҗҗәттин қайси җәһәтләрдә пәрқлинидиғанлиқи айдиң әмәс.

Қурултай баянатчиси дилшат ришит, йеңидин йолға қоюлған юқириқи һөҗҗәт арқилиқ уйғур партийә әзалириниң иш һәрикити, сөз вә ипадә әркинлики илгириләп контрол астиға елинғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт