Хитайда 28 йәсли балиси пичақлиқ һуҗумға учриди

Бүгүн җяңсу өлкисиниң тәйшиң шәһиридики мәлум йәсли балилири пичақлиқ һуҗумға учриди. Вәқәдә 28 бала пичақ зәрбисигә учрап яриланған болуп, 5 нәпириниң һаятий хәвпи бар икән.
Мухбиримиз ирадә
2010-04-29
Share

Шинхуа агентлиқиниң хәвәр қилишичә, вәқәдә йәнә мәзкур балилар бағчисиниң 2 нәпәр оқутқучиси вә бир нәпәр аманлиқ сақлиғучисиму яриланған.

Даириләрниң билдүрүшичә, қатил қолға елинған болуп, униң 47 яшлиқ ишсиз бир киши икәнлики мәлум болмақта, әмма униң бу җинайәтни немә үчүн ишлигәнлики һәққидә хитай даирилири техи ениқ ипадә билдүрмиди.

Хитайда йеқинқи икки айдин бери өсмүр балиларға һуҗум қилиш вәқәлири арқа - арқилап мәйданға кәлмәктә. Техи бундин бир күн аввал гуаңдуң өлкиси лейҗов шәһиридики бир башланғуч мәктәп оқуғучилири пичақлиқ бир кишиниң һуҗумиға учрап вәқәдә 18 оқуғучи вә бир оқутқучи яриланған иди.

12 - Апрел күни йәнә гуаңши өлкиси хепу наһийисидә пичақ көтүргән бир киши башланғуч мәктәп балилириға һуҗум қилип бир балини вә бир кишини өлтүргән. Алдинқи айда фуҗйән өлкисиниң нәнпиң шәһиридиму йәнә охшаш вәқә йүз берип 8 киши өлгән вә 5 киши еғир яриланған иди.

Һазир хитайдики бу кичик балиларға һуҗум қилиш вәқәлириниң зади немә үчүн келип чиқиватқанлиқи, буниң иҗтимаий арқа көрүнүши һәққидә бәс - муназириләр елип бармақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт