Xitayning aytoqach bayrimida 'zeherlik aytoqachlar' bayqaldi

Xitayning "ay toqach" bayrimi mezgilide yémeklik bixeterlikide yene mesile körüldi. Fransiye agéntliqining xewer qilishiche, xitay saqchi da'iriliri 9 yérim tonna zeherlik aytoqachni qolgha chüshürgen. Mezkur aytoqachlarda ademge ziyanliq köp miqdarda baktériyiler bayqalghan. Igilinishiche, bu aytoqachlar köpinche hallarda nahiye - yézilarda bazargha sélin'ghan.
Muxbirimiz irade
2010.09.23
Share on WhatsApp
Share on WhatsApp

Xitaydiki alaqidar da'iriler bazarlardiki süpetsiz aytoqachlarning yighiwélin'ghanliqini, bazarlargha sélin'ghan aytoqachlar 96% ining sehiye ölchemlirige toshidighanliqini xewer qilip, xelqni xatirjem bolushqa chaqirghan.

Xitayda arqa - arqidin yüz bériwatqan zeherlik yémeklik, zeherlik süt parashoki we zeherlik chish pastisi qatarliq weqeler, xitaydiki süpet ölchimi xizmetliride mesilining éghirliqini körsitidiken.

Xitay hökümiti zeherlik yémeklik ishlep chiqarghuchilargha ölüm jazasi bérilidighanliqini jakarlighan bolsimu, bu xil weqeler xitayda üzlüksiz sadir bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.