Хитайниң зәһәр йемәклирини һазир хитайлар өзлириму сетивалмайду

Хитайниң 'сәнлу' маркилиқ сүт мәһсулатлириниң тәркибидә зәһәрлик меламин маддиси барлиқи байқалғандин кейин, бундақ зәһәрлик йемәкләрни хитайлар өзлириму сетивалмайдиған вәзийәт шәкилләнмәктә.
Мухбиримиз вәли
2008.09.24

Бирләшмә агентлиқиниң бүгүн тәйбейдин хәвәр қилишичә, тәйвәндә бүгүндин башлап хитайда ишләнгән сүт йемәклирила әмәс, униңдин башқа көктат мәһсулатлири, һәтта сәндуңдин киргүзүлгән 'липтон' маркилиқ сүтлүк көк чайларни өз ичигә алған 160 хил хитай йемәк - ичмәклири базардин чекиндүрүлүшкә башлиған.

Радиомиз мухбири диң шавниң хәвәр қилишичә, хитайда 'сәнлу' маркилиқ зәһәрлик сүт парашуки сәтчилики ашкариланғандин кейин, гуйяң шәһиридә сүт мәһсулатлирини сетивалған дуканларға мал қайтуруп, пулини тәләп қилидиған херидарлар сәп болуп туруп кәткән.

Дукандарлар херидарларға һәр хил сәвәб көрситип җедәл чиққанда, коммунист хитай сақчилири мал қайтуридиған херидарларни 'аққунлар', 'қанунға риайә қилмайдиған кишиләр', 'түрмидин чиққанлар' дегәндәк бәтнамлар билән әйибләп зәрбә беришкә урунған.

Хәвәрдә ейтилишичә, һазир хитайниң һәр қайси җайлирида сетивалған йемәкликләрни қайтуридиған херидарлар барғансери көпәймәктә.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.