Jaw tong shehiride yerlik amma saqchilar bilen toqunushqan

Seyshenbe küni yünnen ölkisining jawtong shehiride saqchilar bilen sheher ahalisi arisida qattiq toqunush yüz bergen. Weqede nurghun kishi yarilan'ghan.
Muxbirimiz irade
2010.11.04

Fransiye agéntliqining xewer qilishiche, seyshenbe küni nechche yüzligen amma kochilargha chiqip shu jayda élip bériliwatqan tashyol qurulushigha qarshi namayish qilghan. Namayish jeryanida ular saqchilarning qarshiliqigha duch kelgen bolup, qattiq ghezeplen'gen amma qollirigha kaltek - toqmaqlarni élip, qurulush aptomobilliri we saqchi mashinilirigha hujum qilghan.

Ular yene qurulush ishchilirini urghan. Weqede 20 din artuq kishi yarilan'ghan, 48 aptomobil kardin chiqqan.

Igilinishiche, sheher ahalisi tashyol qurulushigha narazi bolghanning sirtida, hökümet bergen tölemge razi bolmighan iken. Jaw tong sheherlik hökümet qoralliq saqchilarni ishqa sélish arqiliq weqeni tinjitqan. Emma xewerde sheherlik hökümetning ammining derdini anglighan yaki anglimighanliqi heqqide héchqandaq melumat yoq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.