'Хитайда елип бериливатқан мәҗбурий қисирлаштуруш сиясити инсанийәткә қарши җинайәт'

Чегрисиз аяллар һоқуқи җәмийитиниң президенти реггие литилҗон ханим хитайда елип бериливатқан мәҗбурий қисирлаштуруш сияситини инсанийәткә қарши җинайәт дәп көрсәтти.
Мухбиримиз җүмә
2010-04-19
Елхәт
Пикир
Share
Принт

Реггие ханимниң "лондон вақит гезити"гә билдүрүшичә, хитай пиланлиқ туғут даирилири 7 - апрел гуаңдуң өлкисиниң пунниң шәһиридә қисирлаштуруш һәрикити башлиған вә сиясәткә хилаплиқ қилғанлиқи илгири сүрүлгән 1300дин артуқ адәмни қолға алған.

Мәлум болушичә, бу нөвәт мәзкур шәһәрдә башланған һәрикәт 20 күн елип берилидиған болуп, бу җәрянда җәмий 9559 адәм үстидин қисирлаштуруш оператсийиси елип берилидикән.

Хәвәрдә көрситишичә, оператсийә қилғучи дохтурлар күнигә 8 саәттин ишләп оператсийә елип барған. Пуниң шәһири шундақ қилиш арқилиқ пиланлиқ туғут хизмитидә илғар орунлуқ шәрипигә еришмәкчи болған икән.

Пүтүн хитай бойичә йолға қоюлған пиланлиқ туғут сиясити уйғур елидә бир қәдәр қаттиқ йүргүзүлүп кәлмәктә.

Пикирләр (0)
Share
Толуқ бәт