Америкиниң бир тәкшүрүш өмики шаңхәйдә йүз бәргән айропилан вәқәсини тәкшүрмәктә

Америка авазиниң хәвәр қилишичә, "мд - 11" типлиқ бир йүк айропилани шәнбә күни шаңхәйниң фудоң айродромидин учуш җәрянида апәткә учрап, үч нәпәр айропилан хадими өлгәнлик сәвәби билән америка тәкшүрүш хадимлири шаңхәйгә келип, вәқәни тәкшүрүшни башлиған.
Мухбиримиз үмүдвар
2009.11.29
Share on WhatsApp
Share on WhatsApp

Мәзкур айропилан зимбабувигә тәвә "авиәнт" ширкитиниң айропилани болуп, шаңхәй фудоң айродромидин қирғизистанниң пайтәхти бишкәккә қарап учмақчи иди.

Мәлум болушичә, өлгәнләрдин башқа төт айропилан хадими яриланған болуп, буларниң ичидә бир нәпәр америкилиқ учқучи бар икән. Хитай ахбаратлири мәзкур айропиланниң учуш йолида меңип, учуш алдида айропиланниң арқа қисиминиң йәргә урулуп кетиши нәтиҗисидә мәзкур вәқә келип чиққанлиқини хәвәр қилған.

Әмма, америка тәрәп бу вәқәниң һәқиқий сәвәбини тәкшүрүш арқилиқ ахирқи йәкүнни чиқиридикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.