Xitayning binakarliq qurulushlirining ömri 30 yilgha yetmeydu

Xitayning sheher we yiza binakarliq qurulushi ishlirigha mes'ul bir emeldari yéiqinda bir xelq'araliq yighinda söz qilip, xitaydiki binakarliq qurulushlirining süpitining nacharliqi, ömrining 30 yildin ashmaydighanliqini ashkarilighan.
Muxbirimiz shohret hoshur
2010-04-06
Share

U yene her yili örülgen we chéqilghan binakarliq qurulushliri seweblik xitayda nahayiti zor exlet döwisi peyda boluwatqanliqini؛ buning, xitayning hem dunyaning muhit pakliqigha éghir buzghunchiliq élip kéliwatqanliqini bildürgen.

Buningdin bashqa u yene, xitayda binakarliq qurulush planining yiraqni körerlik bilen tüzülmeywatqanliqini؛ peqet birinchi ewlad kishiler planlighanni ikkinchi ewlad kishilerning buzuwatqanliqini؛ xitayda, dunyaning bashqa jayliridikidek 100 yilning üstidiki chidamchanliqni kütüsh mumkinsizlikini bildürgen.

Mezkur emeldar yene, yéqin kelgüside xitayda yene köpligen binarliq qurulushlirining örülüp her türlük aqiwetlerni keltürüp chiqirish éhtimalliqini bayqighan.

Jonggu kündilik gézitining én'gilizche sanidimu, dunyada omumi ishlepchiqirilidighan simont, polat, tömür qatarliq qurulush matériyallirining 40% ni xitay istimal qilidighanliqi, emma qurulushlarning ömrining 25 - 30 yil arisida ikenliki xewer qilin'ghan.

Bu xewerge asaslan'ghanda, xitayning qeshqer shehiridiki qedimiy öylerni ahalilerning bixeterliki üchün chaqtuq dégen chüshendürüshining asassizliqi yene bir nuqtidin ispatlanmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet