Хитайда йеңидин йәнә төт нәпәр чошқа зуками юқумдарлири байқалди

Хитай сәһийә министирлиқи 12 - май күни хитай чегриси ичидә чошқа зукам юқумдарлириниң көпәйгәнликини елан қилди. Бу һәқтики мәлуматта көрситишичә, сәйшәнбә күни сәндуң өлкиси җинән шәһиридики юқумлуқ кесәлликләрниң алдини елиш орниға тәкшүрүшкә кәлгән лү фамилилик бир алий мәктәп оқуғучисиниң h1n1 юқумлуқ вируси билән юқумланғанлиқи ениқланған.
Мухбиримиз гүлчеһрә
2009-05-12
Share

19 яшлиқ лү 7 - май күни канададики оқуватқан мәктипидин айрилип хитайға қарап йолға чиқип бейҗиңда айропиландин пойизға алмишип 12 - май әтигәндә җинәнгә йетип кәлгән икән.
 
Сәһийә тармақлириниң бу юқумдарниң канададин җинәнгичә болған сәпәрдашлирини ениқлаш һәм алақә бағлаш ишлирини давам қилмақта икән.

Сәйшәнбә күни кәчтә йәнә чуңчиң шәһәрлик сәһийә тармақлириму 11 - майдин 12 - майға қәдәр чоңчиңда илгири ‏ - ахир үч нәпәр h1n1 юқумдариниң байқалғанлиқини вә йәнә улар билән йеқин алақидә болған үч нәпәр гумандарниң көзитиливатқанлиқини,карантин қилинғанларниң 27 нәпәргә йәткәнликини елан қилди.

Даириләр чоңчиңдики юқумдарниң иккисиниң чәтәллик, бириниң йәрлик киши икәнликини қәйт қилған болсиму, уларниң исим вә дөләт тәвәликини ашкарилимиди. Түнүгүн 30 яшлиқ бав фамилилик америкидин хитайға қайтқан бир хитай оқуғучиниң чошқа зуками билән юқумланғанлиқиниң ениқлиниши, хитай чоң қуруқлуқидики h1n1 вироси билән юқумланғанғучиниң тунҗи қетим ашкарилиниши иди. Хитайдики чошқа зукам юқум әһвалиниң күндилик өзгириши пүтүн дуняниң диққитини тартмақта.

Дуня сәһийә тәшкилатиниң елан қилған әң йеңи ситатистикиға қариғанда h1n1 юқумлуқ зукам вируси 30 дөләткә таралған, юқумдарлар 5251 нәпәргә, өлгәнләр 61 нәпәргә йәтти.


 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт