Choshqa zukamining tarqilish da'irisi kéngiyiwatidu

Dunya sehiye teshkilatning bügünki melumatidin qarighanda, choshqa zukamining tarqilish da'irisi kéngiyiwatidu. Mékiskida hazirgha qeder choshqa zukami wirusi bilen yuqumlan'ghanliqi éniqlan'ghan adem sani 395 ke yetti bu xil yoqumluq késellik mékiskidin dunya tarqalghandin kéyin, hazirgha qeder bashqa döletlerde yuqmlan'ghanliqi éniqlan'ghan bimar sani 365 ke yetti.
Muxbirimiz weli
2009.05.02
Share on WhatsApp
Share on WhatsApp

Franisye agéntliqining bayan qilishiche, jenubiy koriyide bir bimarning, italiyide bir bimarning choshqa zukami wirusi bilen yuqumlanlan'ghanliqi éniqlandi.

Merkizi agéntliqining tokyodin bayan qilishiche, yaponiye sehiye minisitiri yoychi masuzoy dunya sehiye teshkilatigha, choshqa zukamining tarqilishi heqqidiki agahlandurush derijisini hazirqi 5 ‏ - derijidin eng yuquri derijige, yeni 6 ‏ - derijige kötürüshni teshebbus qildi.

Yaponiyning yuqumluq késellikllerdin saqlinish tarmaqlirining bayan qilishiche, hazir choshqa zukamining yuqush iqtidari intayin küchlük emestek körünsimu, emma hazir buxil késellikni yuqturuwalghan shexsning üchinji bir shexske yuqturushi kélip chiqip, tarqilishi kéngiyiwatidu, bolupmu balilargha we yashan'ghanlargha bolghan tehditi örlewatidu.

Amérika awazning bayan qilishiche, amérika prézidénti barek obama choshqa zukami mesilisi buyiche ikkinji qétimliq kabinit yighini échip 'choshqa zukamining tarqilish tézliki bashqa xildiki zukamlardin qanchilik per qilidighanliqi téxi namelum, emma biz buxil yuqumluq zukamning tarqilishi eng téz bolidighan mushu pesilde eng yaman weziyetning yüz bérishini közde tutup teyyarliq körimiz' dep jakarlidi.

Roytrs agéntliqining béyjingdin bayan qilishiche, xitay bügün mékiska bilen xitay otturisidiki yuluchilar ayrupilanini we mékiska - shangxey - xongkonglar ara soda qilip yuridighan yoluchilarning ötkünji wizisini emeldin qaldurghanliqini jakarlidi we mékiskida turuwatqan xitay puqralirini qayturup kélishni pilanlidi. Shundaqla yene, xitay hazir chet'ellerdin kéilidighan pochta xaltilirinimu qattiq tekshürüshke bashlidi.

'Shinjang géziti' ning bügün bayan qilishiche, xitay hökümiti choshqa zukami téz tarqiliwatqan weziyetke taqabil turush üchün, 'choshqa zukamining dölitimizge kirishining aldini élish ' dégen nam astida, 4 ‏ - ayning 30 ‏ - künidin bashlap alataw chégra ponkitida yuluchilarni qattiq tekshürüshke bashlidi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.