Хитайда тунҗи чошқа зукими юқумдари байқалди

Хитайда тунҗи чошқа зукими юқумдари байқалған болуп, бирләшмә агентлиқида көрситишичә, мәзкур юқумдар америкидин хитайға қайтқан хитай оқуғучи икән.
Мухбиримиз җүмә
2009-05-11
Share

Мәлум болушичә, мәзкур бав фамилилик юқумдар миссори университети оқуғучиси болуп, өткән пәйшәнбә күни миссори сант луси шәһиридин айрилған вә японийиниң токйо шәһиридә бир тохтап, шәнбә күни бейҗиңға андин йәнә айропилан алмишип сичүән өлкисиниң чеңду шәһиригә кәлгән.

Бав өзидә қизиш, гели ағриш вә йөтилиш аламәтлирини байқиғандин кейин дәрһал дохтурға көрүнгән вә нәтиҗидә униң H1N1 юқумлуқ зукам вируси билән юқумланғанлиқи байқалған.

Юқумдар бав билән бейҗиңдин чеңдуға биргә кәлгән 150 нәпәр йолучиниң 63 нәпири карантин орунлириға көзитишкә елип кетилгән болуп, шинхуа агентлиқи карантин қилинғанлар саниниң 130 нәпәргә йәткәнликини хәвәр қилған.

Хәвәрдә нәқил қилинишичә, хитай сәһийә министирлиқи баянатчиси, юқумдар бавниң әһвалиниң турақлиқ икәнликини, әмма униң мәзкур вирус билән қандақ вә қәйәрдә учрашқанлиқини һазирчә биләлмигәнликини илгири сүргән.

H1N1 Дәп атилидиған чошқа зукам вируси нөвәттә дуняниң һәр қайси җайлириға таралған вә 58 адәмниң җиниға замин болған болсиму, әмма хитай қатарлиқ асия әллири юқумлиниш әһвали көрүлмигәнликини баян қилмақта иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт