Бишоп бекитиш мәсилиси сәвәбидин ватикан билән хитай мунасивити йәнә җиддийләшти

Рим ватикани билән хитай мунасивити хебейниң чеңде райониға бишоп бекитиш мәсилисидә ихтилап йүз берип, йәнә җиддийлишип кәтти. Хитайниң вәтәнпәрвәр католик җәмийити шәнбә күни ватиканниң тәстиқисиз гу җинсәй исимлик католик өлимасини хебейниң чеңде райониға бишоп қилип тәйинлимәкчи болған вә шу райондики барлиқ католик өлималириниң мурасимға қатнишишини тәләп қилған.
Мухбиримиз әркин
2010-11-19
Share

Бу мунасивәт билән рим ватикани пәйшәнбә күни баянат елан қилип, ватиканниң тәстиқисиз чеңдеға бишоп тәйинләшниң қанунсиз икәнликини җакарлиди. Ватикан баянатчисиниң әскәртишичә, ватикан бу вәқә сәвәбидин бейҗиң билән көрүшкән вә бу вәқәниң аста - аста өзгириватқан хитай - ватикан мунасивитигә бузғунчилиқ қилидиғанлиқини агаһландурған.

Ватикан, хебей өлкисидики мунасивәтлик даириләрниң мәзкур өлкә даирисидики барлиқ католик бишоплиридин җүмлидин ватиканға садиқ бишоплардин гу җинсәйниң вәзипигә олтуруш мурасимиға қатнишишни тәләп қилип, уларға бесим ишләткәнлики, һәтта ватиканға садиқ бәзи бишопларниң мурасимға қатнашмаслиқидин әнсирәп уларни көзитишкә башлиғанлиқидин вақип болғанлиқини билдүргән.

Ватиканниң баянатида әскәртишичә, әгәр бу хәвәрниң растлиқи испатланса, ватикан бу вәқәни диний әркинлик вә виҗдан әркинликигә қилинған еғир дәпсәндичилик, дәп һесаблайдикән. Лекин, хитай вәтәнпәрвәр католик җәмийитиниң муавин рәиси лю бонйән җүмә күни баянат елан қилип, җуңгониң бишоп тәйинләш һоқуқи барлиқини, ватиканниң буниңға арилишиш һоқуқи йоқлуқини, гу җинсәйниң вәзипә тапшурувелиш мурасими шәнбә күни өз вақтида өткүзүлидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт