Xitay hökümiti amérika xelq'ara diniy erkinlik komitétining doklatini ret qildi

Xitay tashqi ishlar ministirliqi bayanatchisi jyang yüy peyshenbe küni amérika xelq'ara diniy erkinlik komitétining 2009 we 2010 ‏ - yilliq diniy erkinlik doklatigha inkas qayturup, doklattiki xitay diniy erkinlik weziyitining üzlüksiz nacharlashqanliqigha da'ir bayanlirini ret qildi.
Muxbirimiz erkin
2010.04.30
Share on WhatsApp
Share on WhatsApp

Jyang yüy kündilik axbarat élan qilish yighinida muxbirlarning mezkur doklat toghrisidiki so'aligha jawab bérip, bu doklatning junggogha nisbeten bir tereplimilikke tolghanliqini, doklattiki tenqidlerning asasi yoqluqini ilgiri sürgen.

Amérika xelq'ara diniy erkinlik komitéti peyshenbe küni élan qilghan her qaysi ellerning diniy erkinlik doklatida xitay diniy erkinlik weziyitining 2009‏ - we 2010 ‏ - yili üzlüksiz nacharlashqanliqini eskertip, "Uyghur we tibetlerning yéqinqi 10 yildin buyanqi eng éghir weziyetke duch kelgenliki"ni, xitay hökümitining Uyghur aptonom rayonida Uyghurlarning diniy étiqadini ajizlashturushqa uriniwatqanliqini we bu yolda türlük tedbirlirini yolgha qoyiwatqanliqini bildürgen idi.

Lékin jyangyüy peyshenbe künki bayanatida junggo hökümitining qanunlargha asasen puqralarning diniy étiqad erkinlikini qoghdawatqanliqini, junggoda her millet xelqining türlük diniy hoquqlardin behriman boluwatqanliqini ilgiri sürgen.
 
Emma, xelq'ara diniy erkinlik komitéti, shinjang Uyghur aptonom rayonida musulmanlar we oxshashla protéstantlarning "üzlüksiz kücheygen ziyankeshlik, qolgha élish, diniy étiqadni ajizlitish herikitige duch kéliwatqanliqi"ni tekitligen.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.