Хитайда әйдиз бимарлириниң йеримидин көпрәки өзиниң әйдиз кесили икәнликидин хәвәрсиз

Б д т әйдиз пиланлаш идариси, дуня сәһийә тәшкилати вә хитай сәһийә министирлиқи бирләшмә баһалаш елип берип, хитайда әйдиз вируси юқумдари вә әйдиз кесили бимарлириниң үзлүксиз көпийиватқанлиқи, бимар вә вирус юқумдарлириниң йеримидин көпрәки өзиниң кесилидин хәвәрсиз икәнликини илгири сүргән.
Мухбиримиз әркин
2011.11.30

Шинхуа агентлиқи бу һәқтики бир хәвиридә әскәртип, хитайда һазирға қәдәр байқалған әйдиз вируси юқумдари вә әйдиз кесили бимарлириниң 346 миң икәнликини билдүргән болсиму, бирақ хәлқара әйдиз мутәхәссислири бу йилниң ахирлириғичә әйдиз бимарлири вә юқумдарлириниң 780 миңға йетидиғанлиқини илгири сүргән.

Бәзи көзәткүчиләр, уйғур елидики әйдиз юқумдари вә бимарлириниң сани мәсилисидиму, хитай һөкүмити елан қилған санлиқ мәлумат билән хәлқара мутәхәссисләр пәрәз қилған санлиқ статистика арисида зор пәрқ барлиқини илгири сүриду.

Хитай һөкүмити уйғур елидә әйдиз юқумдари вә бимарлириниң 32 миң әтрапида икәнликини елан қилған. Бирақ хәлқара мутәхәссисләр буниңдин 60 миңдин көп икәнликигә ишиниду.

Мутәхәссисләрниң илгири сүрүшичә, хитайда әйдиз вируси юқумдари вә әйдиз кесили бимарлириниң 56 % и өзиниң мәзкур вирусидин юқумланғанлиқи яки әйдиз кесилигә гириптар болғанлиқидин хәвәрсиз икән.

Анализчилар, хитай дики бимар вә юқумдарлири һөкүмәт вә җәмийәтниң кәмситишидин қорқуп өзини мәлум қилиштин қачидиғанлиқи, бирақ бу әйдизниң илгириләп ямришиға түрткә болуватқанлиқини илгири сүрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.