Xitayda eydiz bimarlirining yérimidin köpreki özining eydiz késili ikenlikidin xewersiz

B d t eydiz pilanlash idarisi, dunya sehiye teshkilati we xitay sehiye ministirliqi birleshme bahalash élip bérip, xitayda eydiz wirusi yuqumdari we eydiz késili bimarlirining üzlüksiz köpiyiwatqanliqi, bimar we wirus yuqumdarlirining yérimidin köpreki özining késilidin xewersiz ikenlikini ilgiri sürgen.
Muxbirimiz erkin
2011.11.30

Shinxu'a agéntliqi bu heqtiki bir xewiride eskertip, xitayda hazirgha qeder bayqalghan eydiz wirusi yuqumdari we eydiz késili bimarlirining 346 ming ikenlikini bildürgen bolsimu, biraq xelq'ara eydiz mutexessisliri bu yilning axirlirighiche eydiz bimarliri we yuqumdarlirining 780 minggha yétidighanliqini ilgiri sürgen.

Bezi közetküchiler, Uyghur élidiki eydiz yuqumdari we bimarlirining sani mesilisidimu, xitay hökümiti élan qilghan sanliq melumat bilen xelq'ara mutexessisler perez qilghan sanliq statistika arisida zor perq barliqini ilgiri süridu.

Xitay hökümiti Uyghur élide eydiz yuqumdari we bimarlirining 32 ming etrapida ikenlikini élan qilghan. Biraq xelq'ara mutexessisler buningdin 60 mingdin köp ikenlikige ishinidu.

Mutexessislerning ilgiri sürüshiche, xitayda eydiz wirusi yuqumdari we eydiz késili bimarlirining 56 % i özining mezkur wirusidin yuqumlan'ghanliqi yaki eydiz késilige giriptar bolghanliqidin xewersiz iken.

Analizchilar, xitay diki bimar we yuqumdarliri hökümet we jem'iyetning kemsitishidin qorqup özini melum qilishtin qachidighanliqi, biraq bu eydizning ilgirilep yamrishigha türtke boluwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.