Хитайниң дөләт хизмити имтиһаниға қатнишидиғанларниң сани ашмақта

Хитай һөкүмитиниң 2010 - йиллиқ мәркизий һөкүмәтниң һәр қайси тармақлири вә мәркизий һөкүмәткә биваситә қарайдиған органларға хизмәтчи қобул қилиш имтиһани башлинип, өзини мәлум қилип, имтиһанға қатнашқанларниң сани пүтүн хитай бойичә бир милйондин ешип кәткән болуп, бу адәмләр аран 15 миң хизмәт орнини талашқан.
Мухбиримиз үмүдвар
2009-11-29
Share

Хитай мәтбуатлириниң учурлиридин мәлум болушичә, мәркизий һөкүмәткә тәвә органларниң маарип, қатнаш, тәлим - тәрбийә қатарлиқ көп хил хизмәт саһәлири нөвәттә имтиһан бәргүчиләр әң көп талишидиған түрләр болуп, имтиһанға қатнишип, хизмәт орниға еришмәкчи болғанларниң сани билән хизмәт орниниң сани арисида зор пәрқ пәйда болған. Йәни бу йил, бир милйондин артуқ адәм 15 миң хизмәт орни үчүн риқабәткә чүшкән.

Б б с агентлиқиниң хитай мәтбуатлиридин нәқил кәлтүрүшичә, һәр йиллиқ имтиһан вақтида түрлүк түзүмгә хилап қилмишлар көрүлгән шуниңдәк йәнә һазирға қәдәр техи бирликкә кәлгән дөләт хизмәтчиликигә имтиһан бериш пайдилиниш материяллири вә дәрсликлири болмиған әһвал астида пуқраларниң өзлири тузгән бу хилдики материяллири базар тапқан. Имтиһан бәргүчиләр өзлириниң хаһишлири бойичә имтиһанға тәйярлиқ қилидикән.

Уйғур көзәткүчилириниң ейтишичә, уйғур елидики вәзийәт башқичә болуп, хитай тили һәм башқа һәр хил сәвәбләр уйғурларниң аптоном район даирисидики вә униң сиртидики һөкүмәт хизмәт орунлириға көпләп қобул қилинишидики тосалғуларға айланмақта.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт