Хитайда оттуриға қоюлған ит, мүшүк йейишни мәни қилиш тәшәббуси ғулғула қозғимақта

Ройтрс агентлиқиниң бейҗиңдин баян қилишичә, хитайда йеқинда ит, мүшүкни тирик һалитидә даңқан шорписи қилип йейишни мәни қилиш, шундақла, ит, мүшүк йигүчиләргә 5 миң юән җәриманә вә 15 күнлүк қамақ җазаси бериш тәшәббуси оттуриға қоюлған иди.
Мухбиримиз вәли
2010-01-27
Share

Әмма хитайниң явайи һайванатларни қоғдаш оргининиң башлиқи шү хуйчаңниң баян қилишичә, бу тәшәббус хитайда, болупму ит, мүшүк йейиш әнәниси бар җяңсу өлкисидә ақмаслиқи мумкин.

Б б с ниң муназирә сәһиписидә ашкарилинишичә, инсанлар билән дос өтидиған ит, мүшүкни йәп кетиш хитайда узун тарихқа игә әнәнә. Бу әнәнә буниңдин 2 миң йил бурун хән сулалисини қурған лю баңдин қалған.

Йеқинқи йиллардин буян лю баңниң юрти болған җяңсуниң пейшән наһийисидә ит, мүшүк йемәклири интайин әвҗ еливатиду. Бу юртниң 'пейшән ит гөши' маркилиқ даңлиқ мәһсулатлири русийә, японийә, корийә, сингапорларға икиспорт қилинип турмақта.

Хитайда һазир хән җәмәтиниң әнәнисини тәрәққи қилдуруватқан тиҗарәтчиниң сани 100 миңдин артуқ болуп, йиллиқ тапавити бир милярд юәндин ашиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт